أنواع المسؤلين:

1- الفاشل:: هو المسئول اللي بينجح في تحويل موظف بيساعد في تطوير الشركه لموظف “جاي ياكل عيش”
2-المسئول الفاسد:: هو المدير اللي بيطفش الموظفين لأسباب و “عقد نفسيه” رغم كفائتهم وولائهم للشركه ويكافئ موظفين فاسدين لمجرد ان ولائهم له.
3- المسئول التافه:: هو المدير اللي يراقب الموظفين على الـ facebook علشان يحاسب ويخصم من مرتباتهم.
4- المسئول الجبان:: هو المسئول اللي طول الوقت بيزعق يهدد الموظفين بالفصل والخصومات علشان عارف أن ده مصدر أكل عيشهم.
5- المسئول الناجح:: اللي دايما بيحمس الـ team على الشغل ويفهمه إني شغله دي نعمه وناس كتير تتمناها.
اللى يتمنى نجاح اللى معه واللي يخلي كل يوم ربع ساعه قبل الشغل يديهم فيها معلومه جديده
هو اللى يخلي الفاشل “ناجح“ ويفهمه هو زي أي حد موجود وأن أي لقب ده مجرد لقب وحاجات تانيه كتير.
مين فينا عنده مسئول ناجح؟
كام شركه ووزارة فيها مسئول ناجح
للأسف التافهين كتير والفاسدين أكتر والفاشلين أيضا.
كلنا فاهمين المسؤلية غلط
المسئول اللي أن كل واحد معه يكمل كل حاجه ناقصه في اللى قدامه.
هو اللي يحسس اللي قدامه أنه صاحبه مش شغال عنده.
حاليا أحنا مش بنحب نعلم حد كل حاجه
أحنا بنخلي الفاشل ناجح والناجح فاشل
أحنا فاهمين حياتنا العمليه غلط.
أحنا في مننا كتير بيكره الحاجه اللي ممكن كان يحبها بسبب فشل مسئول فاشل.
المسئول الصح هو اللى بيعلم أساسيات الشغل قبل تعليم الشغل نفسه زي الوقت والتركيز وحب الشغل نفسه.