من فضلكم ربو اولادكم على
تحمل المسولية وزى ما بنقول للبنت جوزك وبيتك هانقول للولد كون قد كلمة راجل الرجولة مش مظهر خارجى الرجولة التزام واخلاق وتحمل مسؤلية ..
لما نكون بلد فيها الراجل مبيعرفش يفتح بيت الا لما أبو العروسة يجهزله نص البيت
وأبوه يساعده في النص التاني وهو يدوب داخل بالمجهود الذاتى
ويشتري شبكة ( صورية ) وينصب على مراته بعد الفرح ويبيعها دهبها بحجج مالهاش اخر
ويقول بكل فخر ان ( الدهب بتاعه ) رجعله تاني
ومبيدفعش مهر .. بس بيكتب مؤخر وفاهم انه كدة سقط من عليه
وعند الطلاق يكسر رقبة مراته ويفترى ويتجبر ويزهقها علشان تتنازل عن حقوقها ويبقى اتجوز ببلاش
ولو مخلف عيال بيرميهم لأمهم تلف وراه في المحاكم او ترمى طوبته وتشيل هى المسؤلية كامله لان شافته مش راجل ولفها فى المحاكم مش هيجى بفايده
ولو جاب ها يدفعلهم نفقة شهرية أد اللي بيصرفه وهو قعدة ع القهوة يعنى مالهاش لازمه فابتوفر اتعاب المحامى وتعبها وتشيل هى الليله من اولها لاخرها بس ياريت البيه يسبها فى حالها
ولو تتجوزة فى بيت عيلة فى شقة من حق الكل يدخلها اى وقت ويفتش فى حاجتها الشخصية ، ومافيش مانع اخت جوزه تستعمل هدومها وحاجاتها من غير اذنها مهى جارية من سوق العبيد ملكه و ملك اهله
ومش من حقها تعترض على اى حاجه وكإنها فقط بواب الشقة .
وإلا العقاب عسير
وياسلام لما اهله يقلو ادبهم عليها مستغلين تربيتها وادابها ولو غلطت وقالت لسبع الرجال .
وهو من فرط الرجولة يقول لمراته دول أهلي ..
انتي عاوزة ازعل او اطرد أهلي من بيتي علشانك
ومن فرط الرجولة يرمى ودنه لاهله يسلطوه عليها يضرب ويبهدل فيها
وكمان أهله يطالبو أهل الزوجة بمواسم وهدايا بعد الجواز بسنين !!! ومش بس كده ده
لما البنت تولد أهلها ينقطوها وهو ياخدها
ولما تمرض اهلها يخدموها وهو يتشرط عليهم
ولما الدنيا تقفل معاهم تروح لأهلها يساعدوها ومن بجاحته يعمل نفسه كأنه هو اللى بيديهم
ولما تغضب تروح لأهلها يصرفو عليها وعلى عيالها
ولما جوزها يتزنق تروح تستلف من أهلها علشان تساعده واهله متفرجين وبس
ولما تشتغل يجبرها تدفع كل مرتبها في البيت وإلا مش هيتكرم ويعطف عليها ويسمحلها تتفسح في الشغل
ولو ربنا وسع عليه يتنطط عليها وينسى وقفتها جمبه ويقولها بعلو الصوت هو انتى عملتيلى اية ولا فاكرة انك بتاكلينى و هاكذا بناتنا تعانى من سوء تربيه الام لابنها
و الشعب متفجر الرجولة عظيم المسئولية المتدين بطبعه
للاسف الظاهرة منتشرة كتير الا من رحم ربى
ربواااااااا رجاله يا ناس كل واحده جابت ولد ياريت تربي من صغره علي معني الرجوله والاصول والمسؤليه تربية انه يا يكون رجل بجد قبل ما يدخل بيوت الناس يا يسيب بتت الناس لأهلها همه أوله بيها ربو اولادكم ان بنات الناس امانه مش للاهانه رابوهم ان الزوجه هدية من ربنا لازم يحافظ عليها ويبقى ربنا فيها ويعملها بما يرضى الله ويشوف يحب اخته تتعامل ازى ويعامل بنت الناس ويفتكر كويس ان زى ما هو بيزعل لو لقى اختى متبهدلة مع جوزها اهل مراته برضوا بيزعلو اوى على بنتهم اللى انت مبهدلها وافتكر كويس اوى انا ربنا والرسول عليه الصلاة والسلام موصى على النساء ..فاتقوة يوم اليه ترجعون
ربنا يحفظك وامثالك يا أم الرجال ، كلامك منهج . الحمد لله بنغر بالكلام باوذان البنات والعيال ، بيسمعوا كلام من قبل ما يفكروا فيه من تلقاء انفسهم، او يحتاجوه. وحنسيب لهم باذن الله طوع كلامك تسجيل صوتي للزمان يراجعوه ، متى ما ذكروا كلام المرحوم قبل ما يحتاجوه . وللبنات كذلك.
تزوجنا وتحملنا كل الاعباء راجين بذلك وجه الله ، لا متوظفه ولا بتشتغل ، ولا جابت فرش ، و عايشه ملكه ، هذا واجب الرجل ، عليها تكمل لاولادها التربيه والمتابعه التعليمية .