وحيد صبري يكتب
درويش وتايه فى الملكوت
كل همه اليوم يفوت
عايش طول حياته زاهد
لحد مايجي يوم ويموت
قابل فـ يوم صبيه
ما تقولش ست الحسن حوريه
طلت عليه
خطفت قلبه قبل عينيه
وبصوت جميل
قالتله وهى بتميل
ماتلمس دنيتك
وتحضن كلمتك
وتعيش كما درويش
جرب يا درويش
ومن الدنيا قرب وعيش
دي الدنيا ماتساويش
لحظة تعيش وحيد
سمع الكلام
وكأنه سحر
بيدوي في الودان
وبمرور الأيام
الدرويش جرب
ومن الدنيا قَرَب
لقاها دُنيا
غريبة عجيبة
بتكذِب الصَادق
وبترفع الخوان
الحب فيها رخيص
والقسوه فيها عنوان
لمس الدنيا بقلبه
ودا كان ذنبه
وقلبه كان شفاف
محسش بإرتياح
وكانت لمسته
سبب جديد لآلامه
وعُزلِتُه ووحدِته.
بقلم
وحيد صبري
