اخر الاخبارشعر وقصائد

طب تعرف ان انت

طب تعرف ان انت …

مَسكةحزامي من الزمن
دا لأني فيك عايش
وانت ملاذي وتُؤتمن
بعد الإله ليا
يا نعمة يا هدية
فيها الأماني وحُسن ظن….

عُمره ما يخلف أو يخيب
ازاي يتوه وانت الطبيب. ؟!
وهواك دوا وهو الأحن !

طب تعرف انك سِن ضِحكي
وبكلمك ديما وبَحكي
لعنيك وصورتك
بفتن حقيقتك
سامحني بغتابك ف طيبتك
وأشيل في حقك ذنب مَن

طب تعرف انك حِس عقلي
ولك بصيرتي الماضية عقدي
العتمة ان سكنت حيطانه
نورك بيان وحبال تشد
لو موجة الأشجان تزاحم
ف شمسك اللي تقول له…مِد

تعرف بإنك …
طعم أُنسي ؟!
وصوت غُنا دايب ف حِسي
فيه الضنى الهربان وسارح
جوا البعاد من وهن أمسي
مستني فجرُه….
دَبة مرورك
أصل انت عارف… !
أنا روحي طيف عاكس لنورك
ربي مبارك فيها دورك
وكل عمري شاهد معايا
إن الغياب تابت …
حضورك
حُبك أمان حبك وطن…

أسماء عبد الله

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *