كل عام وانت طيب يا حبيبي
كل سنة وانت أجمل من سنة
الملامح فيك بتحلا عام بعام
ولعنيا النور ولك فيهم سنا
أما قلبي واخده كله
قالي روح هنيه وقوله
إنه بيدق بنعيمك
وفيك بيطلب م الإله
يحفظك بالخير ويديمك
يا هنا وطعم الحياة
كل عام وانت الأصيل
نسل م الحُسن الجميل
ضلي… لو مالت شجوني
روحي في طريقك تميل
بين حروفك جنب شمسك
منهم… بسمع لحسك
وانت لسبيلي الدليل
كل عمري لمنتهاه
كل ثانية ف لون ملامحي
والمعاني لطعم فرحي
والونس ف ركون مطارحي
مهما اعيش
واوعى تسأل كيف وليه
هو يعني قدرنا نعرف
فيه يضاهي الشمس ايه ؟!
ولا صفو الكون وفرحه
والضيا ف صبحه وشرحه
مهما تسال ما تلقيش
غير جواب واحد في قلبي
جه يقولك ياحبيي
كل عام وانت بخير
#أسماء عبد الله
