لما الوصف ما يِِكْفِي الموصوف ؟!
وكأنك عاجز متكتف
مش لاقي كلام يوفي ولا حروف
أصل الشمس ف عز ضحاها
مين يقدر بعنيه يحصرها !
ولا روايح و شذي الأزهار
فيه أشعار عرفت مقدارها !
وخلاصة الجنة ونعايمها
مين عينه تقول ان رأتها على وجه الأرض. !
انوارها ما شاء الله ساحة
لها روح تتكلم ومساحة
بجمال في العرض
اوقات بيروح منا التعبير
يهرب ويطير
وايقاعك فجأة بيتلخبط
كل اما تدون بتشخبط
وحروفك تبقى بلون مخطوف
لما الوصف بتخلص معانيه
او تتسجل بقلم
مكسوف…
أسماء عبد الله
