الله الله…. الله الله
انا قمري الجنة ف قلب سماه
يا ماشاء الله
انا فجاة لقتني في وسط سحاب
طايرة كده مع النسمة الحلوة
وبقول فيه ييجي عشرين غنوة
من غير أسباب !
وخير اللهم كمان كان خير
انا شوفت الشمس في وسط الليل
هروِلت وسلمت عليها
زي المجنون
ولا كنت مصدقة لعنيا !!
أصلها حلوة اوى ومطلية
من دون الكون
أنا امي يا ناس كات دعيالي
ف رأيت طلتها كده قبالي بجمال مفتون. ؟!!!
لا وكمان سلمت عليها
ولقتني بكبر وارقيها من عيني وسكون
انا حد بجد يفوقني
ويقولي حقيقي ويلحقني
من امتى الشمس مع القمره
يحضنهم جووون ؟!
والله دا اعجازك ربي
بإديا أسلم على قمري
وف نوره انا بحيا ومتنعمة !!!
سبحانك ….
كن عندك بيكون..
أسماء عبد الله
