بقلمى /السيد محمد
( لؤلؤة البحر )
تصدقي بالله أنتي أصلا متتنسيش..
والله بجد من غيرك أنا مقدرش أعيش..
ووجودك في قلبي قلبي ده أكبر دليل..
رغـــم أني بعاني في بعدك من عذاب وويل..
بفكر فيكي نهار وليل..
حُبك شاغلني..
عشقك قاتلني..
أنا تايه مني أصبحت قتيل..
يا بلسم شافي..
يا نجمه بتاخدني من أول ما تتشافي..
يا حضن دافي..
يا قمر منور ونوره علي أكتافي..
يا سحر القلوب..
في هواكي بدوب..
ده حُبك مكتوب..
جمالك روعه وأنا مسكين يدوب..
النظره منك غني هي اللي بتغنيني..
هي اللي بتسعدني هي اللي بتهنيني..
ولو كنت أنا واقف في طريق صعب هي اللي بتخطفني وبتعديني..
وعشان حبك عديت بحور..
وما يمنعنيش عنك لو مليون سور..
يا جميلة الأوصاف من خوفي ليحسدوكي أنا أشعلت بخور..
يا أجمل همسه..
يا خدود رقيقه موصوفه بالغمزه..
يا عيون بشوف فيها كل الدنيــا..
يا مرجان البحر ولؤلؤه بتلمع و جواهر غاليه..
هفضل أحبك لأخر عمري ومش هستغني ولو ثانيه..
بقلم /السيد محمد
